| Titre | |||
|---|---|---|---|
| Quante siano le spetie de principati, et con quali modi si acquistino Cap .I. | |||
| Jacques de Vintimille | Guillaume Cappel | Gaspard d'Auvergne | Jacques Gohory |
| De la géneralle division de toutes les sortes des principaultéz, et par quelz moyens on les peult acquérir. Chapitre I | Combien il y a de sortes de Principautez et par quelz moyens on les conquiert Chap. 1. | Combien il y a d'especes de Principautez et par quelz moyens elles s'acquierent. Chapitre I. | Combien d'especes y a de Principautez, et par quelz moyens elles s'acquierent. |
| Segment 1 | |||
|---|---|---|---|
| Tutti li stati, tutti è Dominij che hanno havuto et hanno Imperio sopra gli huomini sono stati et sono o Republica o Principati. | |||
| Jacques de Vintimille | Guillaume Cappel | Gaspard d'Auvergne | Jacques Gohory |
| Tous estatz et toutes dominations qui oncques eurent, et ont puissance sur la vie des hommes, doibvent estre appellés ou républicques, ou principautez. | Tous les estatz, toutes les Seigneuries qui eurent oncques et maintenant ont puissance sur les hommes, furent et sont ou communs gouvernemens ou principautez. | Tous les estatz, et seigneuries, qui ont eu, et ont domination sur les hommes, ont esté, et sont ou Republiques, ou Monarchies. | Tous les estats, toutes les seigneuries qui eurent onques, & maintenant ont commandement sur les hommes, furent & sont ou republiques ou Principautez. |
| Segment 2 | |||
|---|---|---|---|
| E Principati sono o hereditarij, de quali el sangue del loro Signor' ne sia stato longo tempo Principe o è sonno nuovi. | |||
| Jacques de Vintimille | Guillaume Cappel | Gaspard d'Auvergne | Jacques Gohory |
| Les principautez sont de deux manières. Car les unes se peuvent appeler héréditaires, et c'est quand les ancestres de la parenté du seigneur ont longuement esté princes en un estat ; les autres se peuvent dire nouvelles, qui est quand un seigneur commence à dominer sur quelque estat, qui par icelluy n'avoit point au paravant esté dominé. | Et des Principautez, les aucunes viennent par succession, desquelles la race du Seigneur a tenu long temps la maistrise. Les autres sont nouvelles, | Or les Monarchies se possèdent ou comme hereditaires (c'est à sçavoir desquelles ont esté d'ancienneté possesseurs les ancestres de celuy, qui en est auiourdhuy seigneur) ou bien sont nouvelles. | Et des Principautez, aucunes sont hereditaires, desquelles la race du Seigneur a tenu long temps la domination : les autres sont nouvelles. |
| Segment 3 | |||
|---|---|---|---|
| E nuovi, o sonno nuovi tutti, come fù Milano a Francesco Sforza, o sonno come membra aggiunti a lo stato hereditario del' Principe che li acquista, come è il Regno di Napoli al Re de Spagna. | |||
| Jacques de Vintimille | Guillaume Cappel | Gaspard d'Auvergne | Jacques Gohory |
| Des nouveaux estaz aussy, les ungs sont totallement nouveaux, comme fut l'estat de Milan à Françoys Sforse, après la mort du duc Philippe. Les autres se peuvent appeler meslez, quand un estat vient estre adjoinct comme un membre, à l'ancien héritage du prince qui le conqueste, comme est le Royaulme de Naples au roy d'Espagne. | et les nouvelles ou le sont du tout, comme fut Milan a Françoys Sforce, ou bien sont comme parties annexees a la plus grande Seigneurie du Prince qui les gaigne, comme le royaulme de Naples au Roy d'Espagne. | Les nouvelles sont ou entierement, et en leur totalité nouvelles, comme fut le Duché de Milan a Francisque Sforze : ou sont comme membres adiointz a l'estat hereditaire du Prince, qui les a conquises : comme est de present le Royaume de Naples au Roy dEspagne. | Et les nouvelles ou le sont du tout, comme fut Milan à François Sforce, ou bien sont comme membres aioints à l'estat hereditaire du Prince qui les a conquis, comme est le royaume de Naples au Roy d'Espagne. |
| Segment 4 | |||
|---|---|---|---|
| Sonno questi dominij così acquistati o consueti a vivere sotto un' Principe o usi ad esser' liberi; et acquistonsi o con l'armi d'altri o con le proprie, o per Fortuna o per Virtù. | |||
| Jacques de Vintimille | Guillaume Cappel | Gaspard d'Auvergne | Jacques Gohory |
| Oultre ce, les dominations ainsy acquises, ou elles sont coustumières de vivre soubz un prince, ou d'estre en leur liberté de républicque, non subjectes à aucun seigneur, et le plus souvent se conquestent ou par armes et ayde daultruy, ou par armes propres, ou par fortune, ou par vertu. | De ces pais ainsi conquis, aucuns sont accoustumez a vivre soubz ung Prince, les autres de vivre a leur mode. Or s'aquierent ilz, ou par les armes d'autruy, ou par les nostres propres : et ce ou par fortune ou par vertu. | Or ces seigneuries ainsi acquises sont accoustumées ou d'estre au paravant soubz la subiection d'un Prince, ou de vivre en liberté. Et s'acquierent avec les armes et secours d'autruy, ou avec ses propres forces, ou par fortune, ou bien par vertu. | De ces domaines ainsi conquis, aucuns ont accoustumé à vivre sous un Prince, les autres à vivre en liberté. D'avantage ils s'aquierent, ou par armes d'autruy, ou par tes propres : & ce, ou par fortune ou par vertu. |