Chapitre 16.

Titre
Della liberalita et miseria Cap .XVI.
Jacques de Vintimille Guillaume Cappel Gaspard d'Auvergne Jacques Gohory
De libéralité & avarice. Chapitre XVI De la liberalité et chicheté Chap. 16. De la liberalité, et chicheté. Chapitre XVI. De la liberalité & bonne epargne. Chap. 16.



Segment 1
Cominciandomi adunche a le prime soprascritte qualità, dico come sarebbe bene esser' tenuto liberale.
Jacques de Vintimille Guillaume Cappel Gaspard d'Auvergne Jacques Gohory
Pour déclairer donc au menu le bien et le mal de toutes les meurs et qualités des hommes, que cy dessus ont esté touchées, je diz, en commencant à la première, qu'il seroit bien bon d'estre estimé liberale, Pour commencer doncques a ces qualitez que i'ay premierement nommees, c'est bien le meilleur d'estre tenu liberal : Commençant donq aux premieres qualitez susdictes, mon opinion est, qu'il seroit bon d'estre estimé liberal. Pour commencer donques à ces qualitez que i'ay premierement nommées, c'est bien le meilleur d'estre tenu liberal :



Segment 2
Nondimanco la liberalità, usata in modo che tù sia temuto, ti offende, perche, se la s' usa virtuosamente et come la si deve usare, la non fia conosciuta et non ti cadrà l'infamia del' suo contrario. Et però, a volersi mantenere infrà li huomini il' nome del' liberale, è necessario non lasciar' indrieto alcuna qualità di suntuosità, talmente che sempre un' Principe così fatto consumerà in simili opere tutte le sue facultà,
Jacques de Vintimille Guillaume Cappel Gaspard d'Auvergne Jacques Gohory
touteffoys il faut bien noter que telle libéralité le plus souvent tourne à nuysance au prince, si pour user dicelle il se faict craindre ou malvouloir du peuple. Car la libéralité bien usée, comme à la vérité il en fault user, n'est jamais grandement congneue en ung prince : à cause que plusieurs s'en sentiront à la longue et le blasme d'avarice ou de chicheté ne tumbera sur luy. Mais pour maintenir le nom de libéral entre les hommes il convient monstrer toute qualité de magnificence tellement qu'en telles oeuvres, qui doibvent estre estimées grandes et magnificques, ung prince employra tout le revenu de son estat. toutesfois la liberalite emploiee de sorte que tu en sois craint te nuit, si elle est vertueuse et comme on en doit user elle ne sera pas connue, et l'infamie de son contraire ne cherra point sur toy, et pource a se vouloir maintenir entre les hommes le nom de liberal, est bien requis de n'oublier aucune sorte de magnificence. Si bien qu'un Prince de ceste nature consumera en semblables choses tout son bien, Si est ce, que la liberalité exercée en maniere, que lon s'en face craindre plus, qu'on ne doit, est fort dangereuse. Et est besoing, pour en user prudemment, la manier de sorte, qu'elle n'apparoisse, que bien peu par ce seul moyen tu peux evader l'infamie de son contraire. Car un Prince, qui a deliberé maintenir entre les hommes le nom de liberal, il faut necessairement, qu'il n'obmette aucune espece de sumptuosité, si bien que continuant ce train, se voirra incontinent au bout de ses finances, toutefois la liberalité employée de sorte que tu en sois craint, te nuit si elle est vertueuse & comme on en doit user elle ne sera pas connüe, & l'infamie de son contraire ne cherra point sur toy. Pource à se vouloir maintenir entre les hommes le nom de liberal est bien requis a n'oublier aucune sorte de magnificence. Si bien qu'un Prince de cette nature consumera en semblables choses tout son bien



Segment 3
et sarà necessitato a la fine, s' el si vorrà mantenere il nome del' liberale, gravare i Popoli estraordinariamente et esser' fiscale et far' tutte quelle cose che si posson' far' per haver' denari. Il che comincia a farlo odioso con li sudditi, et poco stimar' da ciascuno diventando povero.
Jacques de Vintimille Guillaume Cappel Gaspard d'Auvergne Jacques Gohory
Lequel consumé, pour entretenir ce fumeux tiltre de libéral, il sera contraint de fouller extraordinairement le bon homme par tailles, empruns, et confisquations rigoureuses, et par tous aultres moyens que l'on peult imaginer pour faire deniers. Dont il commencera à estre en partie hay du peuple, pour sa tyrannie, et en partie desprisé, pour sa pauvreté ; et sur la fin il sera contraint s'il se veut maintenir le nom de liberal de grever et fouller son peuple extraordinairement, et chercher les confisquations, et piller ce qui pourra pour recouvrer argent. Ce qui commence a le faire haïr des subiectz, et d'estre en petite estime d'un chacun, puis qu'il devient pauvre. et finablement contraint, pour entretenir cette reputation, fouller excessivement son peuple, et employer tous ces moyens, qui se pratiquent a fin d'accumuler deniers. Ce qui ne tardera gueres à luy acquerir la haine de ses subietz, et le faire peu estimer d'un chacun, le voyant devenu pauvre : & sur la fin sera contraint s'il se veut maintenir le nom de liberal de grever & fouler son peuple extraordinairement & cercher les confiscations & piller ce qui pourra pour recouvrer argent. Ce qui commence a le faire haïr des sujetz & d'estre en peu d'estime de chacun, puis q'il devient poure.



Segment 4
In modo che, havendo con questa sua liberalità offeso molti et premiato i pochi, sente ogni primo disagio et periclità in qualunche primo pericolo. Il che conoscendo lui et volendosene ritrarre, incorre subito ne l' infamia del' misero.
Jacques de Vintimille Guillaume Cappel Gaspard d'Auvergne Jacques Gohory
en sorte que pour avoir par telle libéralité offensé plusieurs et recompensé bien peu, il s'en trouvera mal, et tumbera en dangier de ruyner sur la première nécessité ou adversité qui lui adviegne. En sorte qu'aiant avec sa liberalite offense plusieurs, et donne a peu : il sentira le premier dommage et sera en grand branle au premier danger, s'il le congnoist et qu'il s'en veuille retirer, il encourra le bruit d'estre chiche. tellement que faisant tort à beaucoup pour fournir à sa liberalité, et enrichisant bien peu de gens moyennant icelle, sera au danger de voir sa ruyne au premier inconvenient qui adviendra. Et prevoyant cela, si apres il a volonté de s'en retirer, le mauvais bruit de chiche et avare ne luy peut faillir. En sorte qu'ayant avec la liberalité offensé plusieurs & donné a peu : il sentira le premier dommage & sera en grand branle au premier danger, s'il le connoist & qu'il s'en vueille retirer, il encourra le bruit d'estre chiche.



Segment 5
Un' Principe adunche, non potendo usare questa virtù del' liberale, senza suo danno, in modo che la sia conosciuta, deve, s' egli è prudente, non si curar' del' nome del' misero, perche col' tempo sarà tenuto sempre più liberale veggendo che, con la sua parsimonia, le sue intrate li bastano, può difendersi da chì gli fà guerra, può far' imprese senza gravar' i Popoli.
Jacques de Vintimille Guillaume Cappel Gaspard d'Auvergne Jacques Gohory
Parquoy ung prince qui voit ne pouvoir user de la vertu de la libéralité, sans son évident dommage, en sorte qu'elle soit congneue et magnifiée, s'il veult saigement se gouverner ne se doibt pas beaucoup se soucyer d'estre estimé chiche, pource qu'avec le temps il sera trouvé en effect libéral plus qu'il ne monstre, si le monde commence à congnoistre que par sa grande espargne, il se contente de ses rentes à s'entretenir, et a de quoy se défendre contre ses ennemyz et de quoy fournir à toutes ses entreprinses, sans fouller son peuple. Un Prince donc ne pouvant user de ceste vertu d'estre liberal, tellement qu'elle soit connue sans son dommage, doit, s'il est sage, ne se soucier point beaucoup du nom de chiche, car avecques le temps il en sera plus estime liberal voiant que par son espargne son revenu luy suffist. Il se peut deffendre de qui luy faict guerre, il peut faire entreprises sans grever son peuple, Un Prince doncq ne se pouvant accoustrer de la liberalité sans son dommage, pour la vouloir rendre trop evidente, il ne se doit grandement soucier, s'il est sage, que lon l'estime chiche, et petit donneur : parce qu'avecques le temps on le tiendra tousiours pour assez liberal, voyant que sa petite despence le fait contenter de son revenu, et qu'il se peut defendre de celuy qui l'assaut, et faire entreprises, sans charger son peuple de subsides. Tout Prince donc ne pouvant user de cette vertu de liberalité, tellement qu'elle soit connue sans son dommage, doibt s'il est prudent, ne se soucier gueres du nom de chiche, car avecques le temps il en sera plus estimé liberal voyant que par son espargne son revenu luy suffit. Il se peut defendre de qui luy fait guerre, il peut faire entreprinses sans grever son peuple,



Segment 6
Talmente che viene a usar' la liberalità a tutti quelli a chi non toglie, che sono infiniti, et miseria a tutti coloro a chi non da, che sonno pochi.
Jacques de Vintimille Guillaume Cappel Gaspard d'Auvergne Jacques Gohory
Tellement qu'on le jugera humain et libéral envers ceux qu'il ne pille, qui sont infiniz, et sera tenu chiche de ceulx ausquelz il ne donne qui sont en petit nombre. tellement qu'il use de sa liberalite vers tous ceux ausquelz il n'oste point, qui sont infinis : mais la chichete devers tous ceux auquelz il ne donne point, qui sont peu. Et en ce faisant il use de liberalité envers tous ceux, qu'il n'exige point, dont le nombre est infiny, et semble avare seullement a un tas de mignons de court, qui n'enrichissent point de ses presens : lesquelz ne sont qu'une petite trouppe de courtisans. tellement qu'il use de sa liberalité envers tous ceux ausquelz il n'oste point, qui sont infinis : mais la chicheté devers tous ceux ausquelz il ne donne point, qui sont peu.



Segment 7
Nè nostri tempi noi non habian' visto far' gran' cose se non a quelli che son' stati tenuti miseri, gli altri esser' spenti.
Jacques de Vintimille Guillaume Cappel Gaspard d'Auvergne Jacques Gohory
En nostre temps nous n'avons veu faire grandes entreprinses sinon à ceulx que le monde blasmoit comme chiches, et ruyner ceulx que l'on estimoit libéraux. De nostre temps nous n'avons pas veu faire grans choses sinon que a ceux lesquelz on estimoit chiches, tous les autres ont este ruinez. Nous n'avons point veu de nostre temps faire grandes choses, sinon à ceux, qui ont esté reputez chiches : tous les autres sont venuz à neant. De nostre temps nous n'avons pas veu faire grans choses sinon qu'a ceux lesquelz on estimoit chiches, tous les autres ont esté ruinez.



Segment 8
Papa Iulio Secondo, come si fù servito del' nome di liberale per aggiogner' al' Papato, non pensò poi a mantenerselo, per poter' far' guerra
Jacques de Vintimille Guillaume Cappel Gaspard d'Auvergne Jacques Gohory
Pape Jule II quand il eust assez bien faict son prouffict du nom de libéral et magnificque, pour parvenir à la papaulté, ne le voulut en après maintenir, et tourna la chanse faisant du chiche et scarse, pour avoir de quoy faire la guerre Pape Iules II. apres qu'il se fust servi du nom de liberal pour parvenir a la Papaute, il ne se soucia pas apres grandement de le maintenir, pour avoir le moyen de faire la guerre Apres que Pape Iulle second eut fait, pour monter à la papauté, son profit de non liberal, il en abbandonna depuis le mestier, a fin de pouvoir mener la guerre Pape Iules. II. apres qu'il se fust servy du nom de liberal pour parvenir a la Papauté, ne se soucia pas aprez grandement de le maintenir, pour avoir le moyen de faire la guerre



Segment 9
al' Re di Francia; et ha fatto tante guerre senza porre un' datio estraordinario, perche alle superflue spese ha sumministrato la lunga sua parsimonia.
Jacques de Vintimille Guillaume Cappel Gaspard d'Auvergne Jacques Gohory
au roy de France. Et à la vérité c'est grand merveille comment il a sçeu maintenir la guerre si longuement sans mectre une taille extraordinaire sur les peuples, mais sa longue espargne et bon ordre à filer menu, fournissoit aux despenses extraordinaires. au Roy de France. Et a mene plusieurs guerres sans mettre une imposition extraordinaire. Car les despences superflues il a fournies de son espargne qu'il faisoit de longue main. au Roy de France : et entretint toutes celles qu'il feit sans imposer iamais tribut extraordinaire sur ses païs, fournissant par sa longue parsimonie a ses innumerables depenses. au Roy de France. Et a mené plusieurs guerres sans mettre une imposition extrordinaire. Car les despences superflues il a fournies de l'espargne que il faisoit de longue main.



Segment 10
Il Re di Spagna presente se fusse tenuto liberale, non harebbe fatto ne vinto tante imprese.
Jacques de Vintimille Guillaume Cappel Gaspard d'Auvergne Jacques Gohory
Le roy d'Hespaigne, qui est à présent, jamais ne fust venu au dessus de tant d'entreprinses, s'il eust voulu estre estimé libéral et somptueux. Le roy d'Espaigne qui est a present s'il eust este estime liberal, il n'auroit pas tant faict, et ne seroit pas venu au bout de ses entreprises : Si le Roy d'Espagne, qui est a present, eust affecté d'estre estimé liberal, il ne fust si heureusement venu au dessus de tant d'entreprises. Le Roy d'Espaigne qui est a present s'il eust esté tousiours liberal, il n'auroit pas tant fait, & ne seroit pas venu au bout de ses entreprises :



Segment 11
Per tanto un' Principe deve stimar' poco, per non haver' a rubar' i sudditi, per poter' difendersi, per non diventar' povero, et contennendo, per non esser' forzato diventar' rapace, d'incorrere nel' nome di misero, perche questo è un' di quelli vitij che lo fanno regnare.
Jacques de Vintimille Guillaume Cappel Gaspard d'Auvergne Jacques Gohory
Partant ung prince doibt tenir de peu de compte si l'on l'estime chiche ou avare, à celle fin qu'il n'aye occasion de désrober ses subjectz, et se puisse soustenir des ses rentes, et ne devienne pauvre et vil, et soit contrainct de devenire tyrant. Car à la vérité, chicheté est ung petit vice, et qui ne luy donne ne luy oste l'estat. pourtant un Prince pour n'avoir point d'occasion de piller ses subiectz, pour avoir moyen de se deffendre, pour ne devenir point pauvre et meprise, pour n'estre point contraint de ravir et forcer, il doit faire peu de cas d'estre appelle chiche, car c'est un de ces vices qui le font regner. Parquoy un Prince doit faire peu de compte, s'il a le bruit de mecanique (pourveu qu'a l'occasion de ce il se passe de ne manger point ses subietz, et puisse resister à ses ennemis, se gardant de tomber en pauvreté, et mesprisance de chacun, et devenir ravisseur des biens d'autruy) parautant que c'est l'un des vices le plus sortable pour le faire regner. pourtant un Prince pour n'avoir point d'occasion de piller ses subjetz, pour avoir moyen de se defendre, pour ne devenir point poure & mesprisé, pour n'estre point contraint de ravir & forcer, il doibt faire peu de cas d'estre appellé chiche, ou echars, car c'est un des vices qui le font regner.



Segment 12
et se alcun' dicesse: Cesare con la liberalità pervenne al' Imperio, et molti altri, per esser' stati et esser' tenuti liberali, son' venuti a gradi grandissimi ;
Jacques de Vintimille Guillaume Cappel Gaspard d'Auvergne Jacques Gohory
L'on me pourroit alléguer au contraire que César par sa grande libéralité parvint à l'empire, et que plusieurs autres pour avoir esté de faict et de nom libéraux, ont acquis tresgrandz estatz. Et si quelcun disoit que Iules Cæsar par sa liberalite est parvenu a l'Empire, et plusieurs autres pour avoir este de faict et en l'estime de magnifiques sont montez a tresgrans estatz. Et si lon me disoit, que Cesar se prepara le chemin à l'empire par la liberalité, et que plusieurs autres ayant fait le semblable, sont parvenus aux souveraines dignitez. Et si quelqu'un disoit que Iules Cesar par sa liberalité est parvenu à l'Empire & plusieurs autres par avoir esté de fait & d'estime magnifiques sont montez à tres-grans estatz.



Segment 13
rispondo o tù se Principe fatto o tù sè in via di acquistarlo. Nel' primo caso questa liberalità è dannosa; nel' secondo è ben necessario esser' tenuto liberale; et Cesar' era un' di quelli che voleva pervenire al' Principato di Roma. Ma se, poi che vi fù venuto, fusse sopravissuto et non si fusse temperato da quelle spese, harebbe distrutto quello Imperio.
Jacques de Vintimille Guillaume Cappel Gaspard d'Auvergne Jacques Gohory
Aquoy je respondz, qu'à ceulx qui sont princes faictz, et en possession de leur estat ceste libéralité est dommageable, mais à ceulx qui sont en voye pour le devenir et se veulent faire grandz, il est nécessaire d'estre estimez libéraux, pour mieulx acquérir la faveur des hommes. Or est il vray que César vouloit en toutes sortes se faire empereur de Rome, et pour ceste cause il estoit libéral, mais si après qu'il se fut saisy de l'empire il n'eust modéré ces grandez somptuositez, et qu'il eust survécu, certainement il eust consumé et destruict toute la puissance de son estat. Ie respon ou que tu es Prince desia tout faict, ou que tu es en chemin pour le devenir : Au premier cas ceste liberalite ne vaut rien : Au second il est besoing d'estre estime liberal. Cæsar donc estoit un de ceux la qui vouloient parvenir a la Principaute de Romme : mais si apres estre parvenu il eust survescu long temps, et ne se fusse point retire de ces grandes depences, il eust destruit cet empire. Ie distingueray en cela ou que tu es Prince desia fait, ou à faire. Au premier cas, la liberalité n'est pas profitable : au second si Cesar pretendoit a se faire Empereur de Rome : mais s'il eust vescu longuement en ce degré, continuant ceste excessive largesse, qui doute que la monarchie ne fust finablement par luy consumée, et destruitte ? Ie respon ou que tu es Prince desia tout fait, ou que tu es en chemin pour le devenir : Au premier cas cette liberalité ne vaut rien : au second il est besoin d'estre estimé liberal. Cesar donc estoit un de ceux qui vouloyent parvenir à la Principauté de Romme : mais si aprez estre parvenu il eust survecu long temps, & ne se fust point retiré de ces grandes despences, il eust destruit l'Empire.



Segment 14
Et se alcun' replicasse: molti sono stati Principi et con gli eserciti han' fatto gran' cose, che son' stati tenuti liberalissimi; ti rispondo: o il Principe spende del' suo et de suoi sudditi, o di quel' d'altri.
Jacques de Vintimille Guillaume Cappel Gaspard d'Auvergne Jacques Gohory
L'on pourroit encore réplicquer que plusieurs estant princes, ont faict merveilles avec leurs armées, seulement pource qu'ilz estoient estimez libéraux, et par cela inférer que la libéralité soit prouffitable. Si on me replique que beaucoup de Princes ont faict grandes choses au faict de la guerre qui furent estimez tresmagnifiques, ie respondray que le Prince depend ou du sien et de celuy de ses subietz, ou de l'autruy. Et a ce qu'on me pourroit repliquer, que plusieurs ont esté Princes, et executé merveilleux gestes au fait de la guerre, nonobstant qu'ilz fussent grandissimes despensiers : Ie feray responce que le Prince depend du sien et de ce qu'il leue de son peuple, ou de l'autruy. Si l'on me replique que beaucoup de Princes ont fait de grandes choses au fait de la guerre qui furent estimez tres-magnifiques, ie respondray que le Prince despend ou le sien & celuy de ses sujetz ou l'autruy.



Segment 15
Nel' primo caso deve esser' parco ; nel' secondo, non deve lassar' indrieto parte alcuna di liberalità.
Jacques de Vintimille Guillaume Cappel Gaspard d'Auvergne Jacques Gohory
Ceste question se peult souldre ansy : que le prince doibt estre chiche à despendre du sien et des biens de ses subjects, mais à despendre et donner les biens des ennemyz, il doibt estre libéral et magnificque. Au premier cas, il doit estre chiche. Au second point, il ne doit rien oublier de magnificence a faire. Quant à l'un, il en doit estre chiche, et mesnager : au regard de l'autre, luy convient le dependre avecques toute profusion, et liberalité. Au premier cas, il doibt estre chiche, au second point, il ne doibt rien oublier de la magnificence.



Segment 16
Et quel' Principe che va con gli eserciti, che si pasce di prede, di sacchi et de taglie, et maneggia quel' d' altri, gli è necessaria questa liberalità, altrimenti non sarebbe seguito da soldati.
Jacques de Vintimille Guillaume Cappel Gaspard d'Auvergne Jacques Gohory
Car le prince qui marche par pays avec son ost et s'entretient de proyes, tailles, rançons, saccagements et aultres droictz de guerre, manye le bien daultruy et se doibt faire aymer et priser des souldardz par magnificence pour avoir la suyte diceulx. Comme ce Prince la qui conduict un camp qui se paist de pillage, de sacs de ville, de rançons, et iouit du bien d'autruy, ceste liberalite luy sert beaucoup, autrement il ne seroit pas suyvi des soldars. Car celuy qui mene tousiours armée, ne l'entretenant que de saccagemens, butins et rançonnemens, disposant par ce moyen du bien de son voisin, il faut necessairement qu'il exerce la liberalité : autrement ses soudars ne le suivroient pas : Comme le Prince qui conduit un camp qui se paist de pillage, de sacs de villes, de rançons, & iouït du bien d'autruy, cette liberalité luy sert beaucoup, autrement il ne seroit pas suyvy des soldars.



Segment 17
Et di quello che non è tuo o de tuoi sudditi si può esser' più largo donatore, come fù Ciro, Cesare et Alessandro, perche lo spender' quel' d'altri non toglie reputatione, ma te ne aggiugne; solamente lo spender' il tuo è quello che ti nuoce.
Jacques de Vintimille Guillaume Cappel Gaspard d'Auvergne Jacques Gohory
Et comme l'on dict en commung proverbe, du cuyr daultruy large courroye, la despense du bien daultruy donne plus de réputation au prince et luy augmente la puissance, comme il advint à Cyrus, César et Alexandre, mais la despense du bien propre est dommageable. Car de ce qui n'est pas a toy ou a tes soldars tu en peus faire large courroie, comme a faict Cyre, Cæsar, et Alexandre. Car de prendre de l'autruy, ne t'oste pas la bonne renommee, ains t'en faict de nouvelle. et peut bien estre prodigue donneur de ce qui ne vient du sien, ne de ses subietz : tout ainsi que feit Cyrus, Cesar, et Alexandre : et parce que la despence de l'autruy accroist plus tost ta reputation, qu'elle ne la diminue. Car de ce qui n'est pas à toy ou à tes soldars tu en peus faire large courroie, comme a faict Cyre, Cesar, & Alexandre. Car de prendre de l'autruy, ne t'oste pas la bonne renommée, ains t'en cause de nouvelle.



Segment 18
Et non c'è cosa che consumi se stessa quanto la liberalità, la qual', mentre che tù l'usi, perdi la facultà d' usarla et diventi o povero o contennendo o, per fuggir' la povertà, rapace et odioso.
Jacques de Vintimille Guillaume Cappel Gaspard d'Auvergne Jacques Gohory
Car il n'y a au monde chose qui se consume plus de soy mesme que la libéralité, et d'autant plus qu'ung homme en use, d'autant plus en luy se diminue la puissance d'en pouvoir user, et devient ou pauvre, ou vil et meschaincque, ou bien, pensant fuyr la pauvreté devient pillart et tyrant, et conséquemment hay du peuple. Il n'y a que dependre du tien qui te nuise n'y aiant chose au monde qui se consume elle mesmes, tant que la liberalite. Laquelle pendant que tu emploies, tu pers le moyen d'en plus user, et deviens ou pauvre ou contemne, ou pour fuir la pauvrete tu commences d'estre pillart et hay. Et n'y a seullement que la prodigalité du tien, qui te soit nuisible. Il ne se voit chose, qui se consume tant de soymesmes, que la largesse, laquelle ainsi qu'on la pratique, perd les moyens d'estre pratiquée : et ce pendant tu deviens pauvre, et moqué : ou bien pour fuir la pauvreté, tu te rens pilleur, et consequemment malvoulu. Il n'y a que despendre du tien qui te nuise n'y ayant chose au monde qui se consume elle-mesmes, tant que la liberalité. Laquelle pendant que tu employes, tu pers le moyen d'en plus user, & deviens ou poure ou contemné, ou pour fuir la poureté tu commences a estre pillart & hay.



Segment 19
Et intra tutte le cose da che un' Principe si debbe guardare è l' esser' contenendo et odioso, et la liberalità a l'una et l'altra di queste cose ti conduci.
Jacques de Vintimille Guillaume Cappel Gaspard d'Auvergne Jacques Gohory
Sur toutes les choses du monde ung prince se doibt garder de la malveillance et de la désestimation du peuple, ausquelles deux malheuretez la libéralité seule le conduict. Or sur toutes les choses desquelles un Prince se doit bien garder c'est d'estre hay et deprise, et la liberalite conduict a ces deux points. Certainement ce sont les deux pointz ou le Prince se doit le plus garder de choir, que d'estre mesprisé, et haï : ausquelz la liberalité ne peut faillir de te conduire. Or sur toutes les choses desquelles le Prince se doit bien garder c'est d'estre hay & desprisé, & la liberalité l'a conduit à ces deux points.



Segment 20
Per tanto è più sapientia tenersi il nome di misero, che partorisce una infamia senza odio, che, per voler' il nome di liberale, incorrer' per necessità nel' nome di rapace, che partorisce una infamia con odio.
Jacques de Vintimille Guillaume Cappel Gaspard d'Auvergne Jacques Gohory
Parquoy c'est bien plus saigement faict de se laisser appeler chiche qui engendre un petit diffame sans hayne du peuple, que pour convoitise d'estre estimé libéral devenir pillard et cruel, qui engendre diffame de tyrannie conjoincte avec la hayne et malveillance du peuple. Parainsi c'est plus sagement avise d'estre appelle chiche qui t'engendre une petite infamie, sans hayne, que pour vouloir maintenir le nom de liberal, encourir necessairement celuy de pillart, qui te causera une hayne et infamie. A ceste cause il vaut beaucoup mieux avoir le bruit de mechanique, qui est un deshonneur sans malveillance, que pour affecter le nom de liberal, encourir par necessité la reputation de pillard, ce qui engendre un deshonneur accompagné de malveillance. Parainsi c'est plus sagement avisé d'endurer le nom de chiche (qui t'engendre une legere note sans hayne) que pour vouloir maintenir le nom de liberal, encourir necessairement celuy de pillart, qui te causera une hayne & infamie.