| Titre | |||
|---|---|---|---|
| Delle cose mediante le quali gli huomini, et massimamente i Principi, sono laudati o vituperati. Cap. XV. | |||
| Jacques de Vintimille | Guillaume Cappel | Gaspard d'Auvergne | Jacques Gohory |
| Par quelles oeuvres les hommes et sur tous les princes sont loüez ou diffamez. Chapitre XV | Des choses par lesquelles les hommes, et principalement les Princes sont louéz, ou blasméz. Chap. 15. | Des choses, qui rendent les hommes, et speciallement les Princes louables, ou vituperables. Chapitre XV. | Des choses par lesquelles les hommes principalement les Princes acquierent blasme ou loüange. Chap. 15. |
| Segment 1 | |||
|---|---|---|---|
| Resta hora a vedere, quali devono esser' i modi et governi d'un' Principe con li sudditi et con gli amici. | |||
| Jacques de Vintimille | Guillaume Cappel | Gaspard d'Auvergne | Jacques Gohory |
| Il nous reste à considérer les manières de faire et gouvernements que doibt user ung prince envers ses subjectz et amyz. | Il reste maintenant a veoir quelz doivent estre les manieres et façons de se gouverner d'un Prince avec ses subiectz et amis. | Il est convenable de voir maintenant, comme un Prince se doit gouverner à l'endroit de ses subietz, et amis. | Reste maintenant à veoir quelz doivent estre les manieres & façons du Prince à soy gouverner envers ses subietz & amis. |
| Segment 2 | |||
|---|---|---|---|
| Et perche io so che molti di questo hanno scritto, dubito, scrivendone ancor' io, non esser' tenuto presuntuoso, partendomi massime nel' disputar' questa materia da gli ordini de gli altri. | |||
| Jacques de Vintimille | Guillaume Cappel | Gaspard d'Auvergne | Jacques Gohory |
| Et acause que je sçay que plusieurs en ont escript, je me doubte de n'estre reputé temeraire, si après tant d'autheurs je me mect à escripre, veu mesme qu'en mes disputations de ceste matière, je suys différent de l'institution des aultres. | Et pour ce que ie sçay bien que plusieurs autres ont escript de la mesme matiere. Ie doute que moymesmes si i'en escri ie sois estime presumptueux, principalement si ie m'esloingne en traictant de cet article de l'opinion des autres. | Et parautant que i'en sçay plusieurs autres avoir traitté cest argument, ie crains estre estimé presumptueux d'en parler aussi : considéré mesmes qu'au discours de cette matiere ma traditive est differente de la leur. | Et pour ce que ie sçay bien que plusieurs autres ont escrit de la mesme matiere. Ie doute que moy-mesme si i'en escry, ie sois estimé presumptueux, principalement si ie m'elongne en traitant cet article de l'opinion des autres. |
| Segment 3 | |||
|---|---|---|---|
| Ma essendo l'intento mio scriver' cosa utile a chi l'intende, m'è parso più conveniente andar' drieto a la verità effettual' de la cosa che al' imaginatione di essa. | |||
| Jacques de Vintimille | Guillaume Cappel | Gaspard d'Auvergne | Jacques Gohory |
| Touteffoys puis que mon intention est d'escripre quelque chose qui soyt prouffitable aux lecteurs, il m'a semblé plus convenable d'ensuyvre l'effectuelle vérité de la matière que l'imagination dicelle. | Mais estant mon intention d'escrire choses prouffitables a ceux qui l'entenderont, il m'a semble plus convenable de suyvre la verite et l'effet que non pas certaines fantasies. | Mais puisque mon intention est de proposer enseignemens profitables à celuy, qui les entendra, il m'a semblé plus pertinent me conformer à la verité effectuelle de la chose, qu'a l'imagination d'icelle. | Mais estant mon intention d'ecrire choses proufitables à ceux qui l'entendront, il m'a semblé plus convenable de suivre la verité & l'effet que certaines fantasies. |
| Segment 4 | |||
|---|---|---|---|
| Et molti si sono imaginati Republiche et Principati che non si son' mai visti ne conosciuti esser' in vero. | |||
| Jacques de Vintimille | Guillaume Cappel | Gaspard d'Auvergne | Jacques Gohory |
| Car plusieurs ont imaginé des républiques et principaultez qui jamais au vray n'ont esté vues ny congneues. | Plusieurs se sont imaginez des Republiques et Principautez qui ne furent iamais veues n'y connues pour vraies. | Plusieurs ont figuré des Republiques et Monarchies, dont il me s'en veit oncques en nature de semblables, | Plusieurs se sont imaginez des Republiques & Principautez qui ne furent onques veües ny connües pour vrayes. |
| Segment 5 | |||
|---|---|---|---|
| Perche egli è tanto discosto da come si vive a come si doverria vivere, che colui che lascia quello che si fa per quello che si doverria fare, impara più tosto la rovina che la preservation' sua. Perche un' huomo che voglia far' in tutte le parti profession' di buono, convien' che rovini infra tanti che non son' buoni. | |||
| Jacques de Vintimille | Guillaume Cappel | Gaspard d'Auvergne | Jacques Gohory |
| Pource qu'il y a si grand différence entre la manière comme l'on vit, et celle comme l'on debvroit vivre, que si aulcun laisse ce qui se faict, pour suyvre ce qui se debvroit faire, suyt plustost sa ruyne que sa conservation. Car celluy qui totallement veult faire profession d'homme de bien, ruyne incontinent entre tant daultres qui sont meschans. | Mais il y a autant a dire de la sorte qu'on vit a ceste la selon laquelle on deveroit vivre, que celuy qui laissera ce qui se faict pour cela qui se deveroit faire, il aprent plustost a se destruire qu'a se maintenir. Pource que un qui veut faire entierement profession d'homme de bien, il faut qu'il soit destruict entre tant d'autres qui ne vallent rien. | parce qu'il y a si grand difference de ce que lon vit, et ce qu'on devroit vivre, que qui mesprisera ce qui se fait, pource qui se devroit faire, apprend plus tost sa ruyne, que sa conservation. Pourtant celuy, qui voudroit tenir en toutes choses estroitte profession d'homme de bien, il ne pourroit avoir longue durée en la compagnie de tant d'autres, qui ne vallent rien. | Mais il y a autant à dire de la sorte qu'on vid à celle selon laquelle on devroit vivre, que celuy qui laissera ce qui se fait pour cela qui se devroit faire, il apprend plustost à se destruire qu'à se maintenir. Pource que qui veut faire entierement profession d'homme de bien, comment qu'il soit destruit entre tant d'autres qui ne valent rien. |
| Segment 6 | |||
|---|---|---|---|
| Onde è necessario a un' Principe, volendosi mantenere, imparare a potere esser' non buono, et usarlo et non usarlo secondo la necessità. | |||
| Jacques de Vintimille | Guillaume Cappel | Gaspard d'Auvergne | Jacques Gohory |
| Parquoy convient qu'ung prince, s'il se veult maintenir en estat, apreigne à estre bon et maulvais, et user de l'ung et de l'autre selon ce que la nécessité le requiert. | Parainsi il est necessaire a un Prince qui se veut entretenir, qu'il apreigne a pouvoir estre bon et mauvais, et l'user et n'en user pas selon les affaires. | A raison dequoy il est necessaire à un Prince, qui se veut maintenir, apprendre a pouvoir quelquefois n'estre bon, et le pratiquer, selon l'exigence des affaires. | Par ainsi est necessaire au Prince qui se veut conserver, qu'il apreigne à pouoir estre bon & mauvais, & d'en user & n'user pas selon les occurrences. |
| Segment 7 | |||
|---|---|---|---|
| Lasciando adunque indrieto le cose circa un' Principe imaginate, et discorrendo quelle che son' vere, dico che tutti li huomini, quando se ne parla, et massime i Principi, per esser' posti più alti, son' notati di alcuna di queste qualità che arrecano loro o biasimo, o laude. | |||
| Jacques de Vintimille | Guillaume Cappel | Gaspard d'Auvergne | Jacques Gohory |
| Laissant donc aux aultres les choses appartenantes à ung prince qui sont imaginées, et discourant celles qui sont vrayes, je diz que tous les hommes, et principallement les princes, pour estre constituez en lieu plus éminent, sont notez de ces qualitez qui leur apportent louenge ou blasme. | Laissant donc a part les choses qu'on peut imaginer pour un Prince, et discourant celles qui sont vraies : ie di que quand on parle des hommes, et principalement des princes, pour estre plus souverains, on les congnoist par une de ces qualitez qui leur aporte ou blasme ou louange : | Laissant doncq en arriere tout ce que lon a imaginé en la perfection d'un Prince, et discourant a part ce qui est vray, et subiet à l'experience : Ie dy que tous les hommes, quand lon en devise, et les Princes en especial, pour estre eslevez en plus haut degré, sont volontiers notez de quelque une des qualitez, qui leur donne blasme, ou louange. | Laissant donc à part les choses qu'on peut imaginer pour un Prince, & discourant celles qui sont vrayes : ie dy que quand on parle des hommes, principalement des Princes qui sont en plus hault degré, on les connoist par une de ces qualitez qui leur apporte ou blasme ou loüange : |
| Segment 8 | |||
|---|---|---|---|
| Et questo è che alcuno è tenuto liberale, alcuno misero (usando un' termin' Toscano, perche avaro, in nostra lingua, è ancor' colui che per rapina desidera d' haver'; misero chiamiamo noi quello che troppo si astiene allo usar' il suo), alcun' è tenuto donatore, alcun' rapace, alcun' crudele, alcun' pietoso; | |||
| Jacques de Vintimille | Guillaume Cappel | Gaspard d'Auvergne | Jacques Gohory |
| C'est qu'aucun est estimé liberal, aucun chiche, qui vault autant que misère en langue Toscane, et la différence entre l'avare et le chiche est que l'avare signifie aussy celluy qui désire d'acquérir par rapine, misère ou chiche qui se garde trop de despendre son bien. Aucun est estimé grand donneur, ou pilleur, l'ung cruel l'autre pitoyable, | c'est a dire que quelcun sera tenu liberal, un autre chiche (usant d'un terme Tuscan, car avaricieux en nostre langue signifie celuy qui par larcin veut en avoir : nous appellons celuy la chiche qui s'espargne trop de dependre le sien) quelcun sera estime, quelcun ravisseur, quelqu'autre cruel, quelqu'autre pitoyable, | Et de là vient qu'aucuns sont estimez liberaux, et les autres chiches et tenans : L'un a le bruit de donner, et l'autre de piller ; cestuy cy d'estre cruel, et celuy là misericordeux : | c'est à dire, que quelqu'un sera tenu liberal, un autre chiche : quelqu'un sera estimé donneur, quelqu'un ravisseur, quelqu'autre cruel, quelqu'autre pitoyable, |
| Segment 9 | |||
|---|---|---|---|
| l'uno fedifrago, l'altro fedele, l'uno effeminato et pussillanimo, l'altro feroce et animoso, l'uno humano, l'altro superbo, l'un' lascivo, l'altro casto: l'uno intero, l'altro astuto; l'un' duro, l'altro facile, l'un' grave, l'altro leggiere, l'un' religioso, l'altro incredulo, et simili. | |||
| Jacques de Vintimille | Guillaume Cappel | Gaspard d'Auvergne | Jacques Gohory |
| aucun est estimé rompeur de foy, aucun loyal, l'ung efféminé et lasche, l'autre fier et hardy, l'ung humain, l'autre haultain, l'ung lascif, l'autre chaste, l'ung entier, l'autre fin, l'ung dur, l'autre facile, l'ung grave et constant, l'autre légier et variable, l'ung religieux, l'autre infidèle et semblables. | l'un trompeur, l'autre homme de parole, l'un effemine et de lasche courage, l'autre hardi et courageux, l'un glorieux, l'autre humble, l'un paillard, l'autre chaste, l'un entier et rond, l'autre fin et ruze, l'un opiniatre, l'autre doulx et facile, l'un grave, l'autre legier, l'un de bonne foy, l'autre de nulle, et pareillement des autres. | l'un ne garde point sa foy, l'autre sy : les aucuns sont effeminez, et pusillanimes : les autres sont viriles et hardis : l'un est humain, l'autre superbe : l'un luxurieux, l'autre chaste : l'un va rondement, et l'autre cauteleusement : l'un est dur, l'autre facile : l'un est grave, et l'autre inconstant : l'un est devotieux, et l'autre n'a point de Dieu, et ainsi des semblables. | l'un trompeur, l'autre homme de parole, l'un effeminé & de lache courage, l'autre hardy & courageux, l'un glorieux, l'autre humble, l'un paillard, l'autre chaste, l'un entier & rond, l'autre fin & rusé, l'un opiniastre, l'autre doux & facile, l'un grave, l'autre leger, l'un de bonne foy, l'autre de nulle, & pareillement des autres. |
| Segment 10 | |||
|---|---|---|---|
| Io so che ciascun' confesserà che sarebbe laudabilissima cosa un' Principe trovarsi, di tutte le sopradette qualità, quelle che son' tenute buone; | |||
| Jacques de Vintimille | Guillaume Cappel | Gaspard d'Auvergne | Jacques Gohory |
| Je sçay bien que c'est le meilleur et ce que le monde désire plus que de trouver ung prince qui ait les bonnes qualitez susdictes, | Ie sçay bien qu'un chacun confessera que ce seroit une chose treslouable, qu'un Prince se trouvast aiant de toutes les susdictes natures celles qui sont tenues les meilleures : | Et n'ignore point, que tout le monde confessera estre chose treslouable voir un Prince garny de toutes les qualitez precedentes, qui sont au ranc des bonnes : | Ie sçay bien que chacun confessera que ce seroit une chose tresloüable qu'un Prince se trouvast ayant de toutes les susdites natures celles qui sont tenues des meilleures : |
| Segment 11 | |||
|---|---|---|---|
| ma perche non si posson' haver' ne interamente osservare, per le conditioni humane che non lo consentono, gli è necessario esser' tanto prudente che sappia fuggir' l'infamia di quella che gli torrebbon' lo stato, et de quelle che non gliel' tolgono, guadagnarsene se gli e possibile; ma non possendovi, si può con minor' rispetto lasciar' andar'. | |||
| Jacques de Vintimille | Guillaume Cappel | Gaspard d'Auvergne | Jacques Gohory |
| touteffoys pource qu'il est impossible de les avoir toutes, ny de les observer à cause que les conditions de la fragilité humaine ne le permectent, il convient que le prince soit si prudent qu'il sache fuyr le diffame seulement de ces vices, qui luy feroient perdre l'estat, et touteffoys qu'il tasche de tout son pouvoir d'éviter les aultres qui seroient de moindre importance, mais si son naturel ne se pouvoit adonner à se garentir de tous péchez, qu'il passe oultre et n'en tienne pas aultrement grand compte. | mais pource qu'elles ne se peuvent toutes avoir, ny entierement garder, a cause que la condition humaine ne le porte pas, il luy est besoing qu'il soit sage iusques la, qu'il sçache eviter l'infamie de ces vices qui luy seroient cause de perdre ses estats, et de ceux qui ne luy osteroient point, qu'il s'engarde s'il est possible : mais s'il ne peut, il n'y a pas si grand respect ny danger de les laisser passer, | mais parce qu'il n'est possible les posseder toutes ensemble, et entierement les observer pour la fragilité de la condition humaine, qui ne le peut consentir, il luy est de besoing avoir tant de prudence, qu'il puisse a tout le moins eviter l'infamie de ces vices, mesmement de ceux, qui luy pouroient faire perdre son estat. Et quant aux autres, qui ne sont subietz à ce malheur, s'en abstenir du tout, s'il est possible : Sinon, il s'y peut laisser quelque fois couler avec moindre respect. | mais pour ce qu'elles ne se peuvent toutes avoir ny entierement garder, à cause que la condition humaine ne le porte pas, il luy est besoin qu'il soit sage iusques là, qu'il sache eviter l'infamie de ces vices qui luy seroient cause de perdre ses estats, & de ceux qui ne luy tolliroient point, qu'il s'engarde encore s'il luy est possible : mais s'il ne peut, il n'y a pas si grand respect ne danger de les laisser passer : |
| Segment 12 | |||
|---|---|---|---|
| Et ancora non si curi di incorrer' nel'infamia di quelli vitij, senza i quali possa difficilmente salvare lo stato, perche se si considerra ben' tutto, si truoverrà qualche cosa, che parrà virtù, et seguendola sarebbe la rovina sua, et qual'cun altra che parrà vitio, et seguendola ne resulta la sicurtà et il ben' esser' suo. | |||
| Jacques de Vintimille | Guillaume Cappel | Gaspard d'Auvergne | Jacques Gohory |
| Et davantaige fault qu'il ne craigne point d'encourir le blasme de quelques vices sans lesquelz il ne puisse bonnement saulver son estat. Car si l'on regarde de bien près aux affaires mondains l'on trouvera quelques vertuz si très inutiles à ung prince, que s'il se mectoit à les faire, elles seroient indubitablement cause de sa ruyne, et pareillement quelques vices si nécessaires qu'en les suyvant il mectroit aiseement paix, seureté, bon heur et tranquilité en son estat. | mesmes qu'il ne se soucie pas d'encourir le blasme de ces vices, sans lequelz il ne peut aisement sauver ses estats. Car si on regarde bien a tout on trouvera des choses qui semblent estre vertu, lesquelles si on pratique ce sera la ruine. Et quelqu'autre qui semble estre vice, mais a la fin la seurete et la commodite en viennent. | Et encores ne se tormentera pas beaucoup, d'encourir le bruit d'en estre entaché, si autrement ne pouvoir conserver sa souveraineté. Car si lon considere bien le tout, quelque chose se rencontrera avoir apparence de vertu, et toutefois estant suyvie, sera cause de destruction : et au contraire une autre, qui semblera vice, la pratique de laquelle moyennera l'asseurance et felicité du Prince. | mesmement qu'il ne se soucie pas d'encourir le blasme de ces vices, sans lesquelz il ne peut aisement conserver ses estats. Car si l'on regarde bien à tout, on trouvera des choses qui semblent estre vertu, lesquelles si on pratique ce sera la ruine. Et quelque autre qui semble estre vice, mais à la fin la sureté & la commodité en viennent. |